Паважаныя бацькі! Аплачваючы ўдзел дзіцяці ў курсе, вы згаджаецеся з умовамі, апісанымі ніжэй.
1. Фармат працы
Праект дзейнічае ў фармаце «як ёсьць».
Мы прыкладаем максымум намаганьняў, каб заняткі прайшлі цікава, карысна і пасьпяхова для кожнага ўдзельніка. Аднак мы ня можам гарантаваць аднолькавы вынік для ўсіх, бо шмат што залежыць ад уцягнутасьці самога дзіцяці.
2. Згода з умовамі
Аплата ўдзелу азначае, што вы:
- азнаёмленыя з правіламі праекту і прымаеце іх;
- згодныя з тым, што фармат і праграма курсу могуць карэктавацца пры неабходнасьці для паляпшэньня якасьці навучаньня.
3. Вырашэньне пытаньняў
Мы за дыялёг і разуменьне.
Любыя пытаньні, у тым ліку спрэчныя, вырашаюцца выключна шляхам перамоваў, да таго часу, пакуль ня будзе знойдзена супольнае рашэньне (кансэнсус). Мы заўсёды адкрытыя да абмеркаваньня і гатовыя знайсьці найлепшае выйсьце зь любой сытуацыі.
4. Пэрсанальныя даныя
Усе даныя, якія вы падаеце у межах удзелу ў праекце, выкарыстоўваюцца толькі для арганізацыі і правядзеньня заняткаў.
- Мы ня перадаем даныя трэцім асобам.
- Паводле вашага запыту (ад законнага прадстаўніка) усе даныя могуць быць выдаленыя цалкам і незваротна.